മറ്റെല്ലാ ശിവക്ഷേത്രങ്ങളില്‍ നിന്നും മുത്തപ്പ ക്ഷേത്രങ്ങളില്‍ നിന്നും വ്യത്യസ്തമാണ് കാരമുക്ക് നല്ലച്ഛന്‍കാവിലെ മുത്തപ്പകിരാതമൂര്‍ത്തി സങ്കല്‍പ്പം. ത്രിനേത്രനും ചന്ദ്രകലാധരനും ശിരസ്സില്‍ മഹാമേരുസമാന മത്സ്യാകാര തിരുമുടി അണിഞ്ഞവനും ഭസ്മഭൂഷിതനും നാഗരാജാവിനെ പൂണൂലാക്കി ധരിച്ചവനുമായ സാക്ഷാല്‍ പരമേശ്വരന്‍ ഇവിടെ ഭക്തരെ കടാക്ഷിച്ച് സ്വാത്വിക ഭാവത്തില്‍ നിലകൊള്ളുന്നു. ശ്യാമകോമളവര്‍ണ്ണനും നിത്യം പതിനാറു വയസ്സുള്ളവനും സുവര്‍ണ്ണ പീഠത്തിങ്കല്‍ ഇടംകാല്‍ മടക്കി വലംകാല്‍ ചവിട്ടി ഇരിക്കുന്നവനുമായ മഹാദേവന്‍...